BACOLOD CITY– Handa nga magdonar sang gas allowance ang hanay sang mga negosyante sa mga pulis nga naka-assign sa Motorized Anti-Street Crime Operations (MASCO).
Sa interview sang Radyo Bandera Bacolod kay Metro Bacolod Chamber of Commerce and Industry President Mr. Frank Carbon, ginsiling sini nga ang paghatag sang gas allowance sa MASCO sang Bacolod City Police Office (BCPO) ang ila na ginahimo sa sulod sang lima ka tuig apang na-untat lamang ini sang nangin indi naman aktibo ang MASCO.
Suno kay Carbon, nagahulat lamang sila sang go-signal halin sa pamunuan sang BCPO angut diri agud nga ila maistoryahan.
Ang gas allowance ang mahimo nga magamit sang kapulisan sa ila mga motorsiklo sa tion nga magpatigayon ang mga ini sang police visibility kag pagpatrolya sa pila ka mga ‘crime prone’ nga lugar sa siudad sang Bacolod.*