- Advertisement -
BACOLOD CITY– Nagahamboy sa 10 tubtob 20 pesos ang ginsaka sang presyo sang bugas kada sako sa siudad sang Bacolod.
Sa interview sang Radyo Bandera Bacolod sa isa sa mga nagabantay sa Ma. Magallanes Rice Dealer, ginsiling sini nga humalin sang Disyembre 2022 tubtob Enero sini nga tuig may yara na sang gamay nga pagtaas sa presyo sang bugas apang indi pa ini tuman kaangay sang pagtinaas sang presyo sang bugas sa nasyunal.
Nahibaluan nga base sa paglantaw sang pila ka mga grupo nga nagabantay sang presyo sini, posible nga magsaka pa ang presyo sang bugas sa una nga quarter sang 2023 bangud sang mahina nga produksyon sini.*
- Advertisement -
