BACOLOD CITY– May ginalauman pa nga reshuffling sa masunod nga mga binulan para sa mga police personnel sa iban nga mga munisipalidad sang Negros Occidental, suno kay Police Captain Judesses Catalogo sa ginpatigayon nga press conference sang Negros Occidental Police Provincial Office (NOCPPO) kahapon nga adlaw sang Martes, Enero 17, 2023.
Suno kay PCpt Catalogo, hugot ang kompetisyon sa pihak nga probinsiya, rason man nga “strategically” nila nga ginabutang kun sin-o ang mangin pinuno sa posisyon sa minusipalidad.
Madumduman nga gin-assume na ni Police Major Eric Doronila nga magapungko ini bilang Acting Chief sang Valladolid Municipal Police Station kag ginbuslan si Police Major Wilfredo Benoman nga mahamtang naman sa NOCPPO Provincial Headquarters.
Dugang pa, nangin Acting Chief of Police naman sang Pulupandan MPS si Police Captain Emman Anacleto nga ginbuslan si Police Major Ryan Villasario nga nangin Deputy Chief sang Cadiz CPS.
Samtang, si Police Captain Ar-Jay Dangarang ang nangin Acting Chief of Police sang Isabela MPS.
Pahayag pa ni PCpt Catalogo, may ginatan-aw na sila nga mga chief of police nga nagdangat na sang duha ka tuig ang serbisyo apang hatagan man nila ang iban pa nga mga officers nga magpamuno sang isa ka unit.
Sa karon, naka-focus pa ang NOCPPO sa mga festivities sang probinsiya sa bulan sang Enero tubtob Hunyo.*
