Sa sini nga panahon, normal na lamang sa aton ang mag-picture, mag-selfie, mag-groupie, wacky poses, kag iban pa, nga aton gina-post sa social media ukon ginapa-print agud may remembrance kita sa aton tagsa nga memorable experiences.
Sini nga Ati-atihan Festival 2023 sa Kalibo, Aklan, samtang wala-tuo ang mga nagasinadya kag nagapa-picture sa kapistahan, isa ka bata ang nagakasubo bangud wala sila picture sang iya nga amay.
Ang amay, agud mapamag-an ang balatyagon sang iya pinalangga nga bata, nagsabat ini nga, “next time meron na.”
Nabatian ini ni John Ruzel Abadiano nga may bitbit nga instax camera nga iya gilayon nga gingamit agud makuhaan sang litrato ang mag-amay.
Suno kay John Ruzel, sang makita sang mag-amay ang ila nga litrato, “priceless” ang ila mga yuhum.
“Sometimes happiness can be found in the littlest of things we do for others. Happy fiesta indeed, Kalibo,” dugang sa caption ni John Ruzel.
