Nadugangan pa sang tatlo ang kadamuon sang mga nabawian sang kabuhi sa Pilipinas, bangud sang sige sige nga pagbubu sang ulan.
Humalin sang Enero 2, sini nga tuig, apektado sang LPAs, amihan kag shearline ang lakat sang panahon sa pungsod.
Bangud sini, nagluntad ang mga pagbaha nga nagresulta sa kamatayon sang mga residente sa Luzon,Visayas kag Mindanao.
Yari ang mga lugar sa Pilipinas nga nakaangkon sang mga fatalities bangud sang kalamidad:
Zamboanga – 11
Northern Mindanao – 8
Eastern Visayas – 7
Bicol – 5
Davao – 1
Soccsksargen- 1
Magluwas sa mga kumpirmado nga nagkalamatay, ginahibalo pa sang mga otoridad kon anu ang status sang pito nga gindeklarar “missing”.
May 12 man ka mga indibidwal nga nasamaran bangud sang kalamidad.
1,678,440 ka mga indibidwal ang naapektuhan sang baha sa Cagayan, Central Luzon, Calabarzon, Mimaropa, Bicol, Western Visayas, Central Visayas, Eastern Visayas, Zamboanga, Northern Mindanao, Davao, Soccsksargen, Caraga, kag Bangsamoro Autonomous Region in Muslim Mindanao.*
