Hero Shrine Sang Isa Ka Ginakabig Baganihan Nga Taga La Castellana, Ginbuksan

Agud pasidunggan ang kaisog sang isa ka Negrense nga Philippine Marine Corps Officer, nga nagpakigbato sa Moro Islamic Liberation Front, 21 na katuig ang nagligad, ginbuksan sang Army kag Local Government Unit sang La Castellana sa Negros Occidental ang Hero Shrine sang Huwebes, Mayo 13, 2021.

Si 1^st Lieutenant Lolinato To-ong, nga taga Barangay Cabacungan, ang posthumous recipient sang pinakamataas nga military award for courage sang Pilipinas nga Medal for Valor.

Ang Hero Shrine ni Lt. To-ong ang makita sa sulod sang Cabacungan Elementary School kon diin nag-eskwela man ang soldado, agud makahatag inspirasyon sa mga estudyante.

Nakaserbisyo si Lt. To-ong sa 52^nd Marine Company sang Force Reconnaissance Battalion kag 9^th Marine Battalion, Philippine Marine Corps, Philippine Navy sang ini sila ang nagpakig-away sa Bunkers sa Poblacion Matanog, Maguindanao sang Abril 30, 2000.

Nagbulig si Lt. To-ong sa pagbakwit sang iya pilason nga mga kaupdanan.

Nagtambong man sa nasambit nga aktibidad si General Cirilito Sobejana, chief of staff sang Armed Forces of the Philippines.

“May his heroism serve as an inspiration to all of us, as we perform our sworn mandate to serve and secure the people of Western and Central Visayas,” suno kay Major General Eric Vinoya, Commander sang Army’s 3rd Infantry (Spearhead) Division.*