BACOLOD CITY– Arestado ang isa ka high value individual sa isa ka buy-bust operation sa Purok San Miguel, Barangay 1 Poblacion, Pontevedra, Negros Occidental.
Ginkilala ang suspek kay Victor Christopher Azaola y Mallari alias “Pewee”, 41-anyos kag residente sang nasambit nga lugar.
Gin-aresto ang suspek takna las-11:00 kaina sang aga, Huwebes, Disyembre 1.
Nakuha sa suspek ang pulo ka heat-sealed transparent plastic sachets nga may unod sang ginapatihan shabu kag nagabug-at sang .9 ka gramos nga nagabalor sang Php6,120.00.
Narekober man sa suspek ang isa ka transparent plastic sachet nga may unod marijuana kag buy-bust money nga Php500.00.
Yara karon sa kustodiya sang Pontevedra MPS para sa proper disposition ang suspek kag ang mga narekober.
Pagapasakaan naman sang kaso ang suspek sa pag-bayolar sa Republic Act 9165 ukon Comprehensive Dangerous Drugs Act of 2002.*
