BACOLOD CITY– Arestado sa buy-bust operation ang isa ka lalaki sa Purok Kahirup, Barangay Singacang-Airport, Bacolod City, Negros Occidental.
Ginkilala ang suspek kay Chris Dayanan alyas “Dodong”, 40-anyos kag residente sang Purok Neptune sa kaparehas nga barangay.
Takna las-2:00 sang kaagahon, Disyembre 1 gin-aresto ang suspek.
Narekober sa suspek ang isa ka elongated transparent plastic sachet sang ginapatihan shabu.
Dugang pa, nakuha man sa suspek ang duha ka sachets sang ginapatihan shabu, isa ka lighter kag buy-bust money nga Php200.00.
Ginabulubanta sa duha ka gramos ang nakuha sa suspek nga nagabalor sang Php13,600.00.
Nakahunong karon ang suspek sa Bacolod City Police Station 8 kag natalana nga pasaka-an sang kaso sa pagbayolar sa Republic Act 9165 ukon Comprehensive Dangerous Drugs Act of 2002.*