Ginkumpirmar ni Mayor Bing Leonardia sa live interview sang Radyo Bandera nga dulaon na ang Home Quarantine Pass kag Border restrictions sugod buwas nga adlaw, Oktubre 1 bangod ipaidalom na ang syudad sang Bacolod sa General Community Quarantine (GCQ).
Ini man ang nalakip sa kaundan sang Executive Order No. 63 series of 2020 nga gin-isyu ni Mayor Leonardia.
Samtang, ang operasyon sang 3 ka mayor nga merkado sa adlaw ang Domingo ang suspendido bangod padayon na ang pagpatigayon sang disinfection bilang precautionary measures sa tunga sang makalalaton nga virus.
Balik operasyon naman ang biyahe sang mga publiko nga transportasyon.
Samtang, nagpasalamat naman si Mayor Leonardia kay Presidente Duterte kag kay Senator Bong Go matapos sa ginpadala nga mga mataas nga opisyal nga nagbulig sa mga tikang agud ma amat-amat tapna ang COVID-19 sa Bacolod City.