LALAKI NGA NA-ANOD SA BAHA SA MANSILINGAN KAHAPON NGA ADLAW, NASAPWAN NGA PATAY SUBONG NGA AGA!

Nasapwan nalang nga patay si Rico Mirasol Sr., residente sang Brgy. Mansilingan las 6:00 sang aga sa bahin sang Purok Calong-calong, Zone 4, Brgy. Singcang Airport.

Ang bangkay ang ginkumpirmar mismo sang iya nga anak.

Base sa pagpangusisa sang Radyo Bandera, nakita sang isa ka mananagat ang bangkay nga naga utaw-utaw sa tunga sang lawod.

Madumduman, nga kahapon nga adlaw, nareport nga missing ang nasambit nga biktima matapos ma-anod sa baha sa Brgy. Mansilingan tuga man sang pagbubo sang ulan.