Ginpahayag sang Department of Migrant Workers (DMW) nga kinahanglan sang pungsod Hungary ang dugang nga mga Pinoy workers.
Base sa report sang GMA News sang Oktubre 5, mga factory kag skilled workers ang kinahanglan sang Hungary nga yara sa Europa.
Nagdangat sa 6,000 ka mga Pinoy ang nauna na nakahalin sa Pilipinas agud magtrabaho sa nasambit nga pungsod.
“The Hungarian government for their part assured not just an expedited process for hired qualified Filipino workers but also adequate protection for our Filipino workers,” suno kay DMW officer-in-charge Hans Cacdac.
Suno kay Cacdac nga ginadiskusyunan na sang South Korea kag Pilipinas ang pagpalawig sang employment permit system para sa mga OFW nga luyag magtrabaho sa Korea kag pagdihon sang bilateral labor agreement.
Ginpahayag naman sang Korean Ambassador Lee Sang-hwa, nga luyag nila magkuha sang mga Pinoy caregiver.
We are interested in sending Filipino caregivers to Korea because you know Filipino caregivers have earned the high reputation, good reputation worldwide and that would be, in our view, a win-win partnership between our two countries,” suno sa South Korea Ambassador.
Dugang pa ni Cacdac nga luyag sang South Korea nga maglunsar sang pilot-run sa pagkuha sang caregiver pinaagi sang government hiring facility.
Ginpasiguro naman ni Cacdac nga makabaton sang bastante nga sweldo, benepisyo, kag proteksyon ang mga Pinoy nga luyag magtrabao sa duha ka nasambit nga punsgod.*
