Disclaimer: Hungod nga gintago sang Radyo Bandera ang ngalan sang biktima bangud ini isa ka sensitibo nga balita.
Natingala ang malapit nga tagbalay sa Barangay E Lopez, siudad sang Silay, Negros Occidental matapos nga nagatinaghol ang iya mga ido, takna las 2:00 sang kaagahon, Sabado, Setyembre 9, 2023.
Sang ini ang naggwa sa iya balay agud i-tsekyar, nakit-an sini nga may nagabitay nga tawo sa ibabaw sang steel post kag may higot nga kalat sa iya nga liog.
Nag-request ang mga nagresponde nga katapo sang Silay Police Station sang bulig gikan sa Central Negros Electric Cooperative agud ma-extricate ukon makuha ang biktima.
Gindala pa ang 35-anyos nga biktima sa Teresita L. Jalandoni Provincial Hospital apang ini ang dead-on-arrival na bangud sa “asphyxia thru strangulation” suno sa attending physician.
Posible depresyon ang gintunaan sang insidente, suno sa mga kapulisan.
Pahayag sang mga abyan sang biktima, sa interview sang Silay Police, nga dugay na ini nagahambal nga mahikog siya, apang wala lang nila ginaseryoso.
Sang gab-i antis sang insidente, naghalin ang biktima kag iya mga abyan sa iya ka namatyan kag naghambal ini liwat nga mahikog siya.
Sang nakapuli na ang grupo, nangita ang biktima sang higot nga para daw sa iya ido, apang sang kaagahon, nasapwan na ini nga wala na sang kabuhi kag nagabitay sa poste.*
