Apisar sa hugot nga pagpatuman sang physical distancing sa tunga sang pandemya kag pagdumili sang illegal nga pagpamulang wala gihapon maka batyag sang kakulba ang mga indibidwal nga naghalin sa nagkalain-lain nga lugar sa probinsya agud magpatigayon sang ila nga pagpamulang.
Sa ginkasa nga seperado nga operasyon sang mga kapulisan sa Negros Occidental nagkaladakpan ang mga indibidwal lakip na diri ang onse tanan ka mga suspek sa pagpatigayon sang pagpamulang sa ciudad sang Escalante, sa Barangay Libertad.
Lakip sa mga nakuha amo ang onse man ka mga patay kag buhi nga manok nga ginagamit sa pagbulang.
Sa bahin naman sang Sagay City wala naman makapalag pa ang duha ka mga indibidwal matapos madakpan sa akto sang mga kapulisan nga nagapatigayon sang illegal nga pagpamulang nakuha sa mga suspek ang tatlo tanan ka mga manok nga ginpatihan ginagamit sa pagpamulang.
Base naman sa police report sang Kabankalan City, may yara naman sang anum ka mga indibidwal ang nagkaladakpan kon sa diin nakuha sa ila nga posisyon ang 27 tanan ka mga patay kag buhi nga manok.
Sa karon magapangatubang sang nagakaigo nga kaso may kaangtanan sa aglapas sa Presidential Decree 449 ukon ang Cockfighting Law ang mga nasambitan nga mga indibidwal.
