Nagpanawagan si Talisay City Mayor Neil Lizares sa mga ospital sa ciudad sang Bacolod, nga magkooperar sa ila nga lokal nga pamunuan agud ipahibalo ang mga pasiente nga nagpositibo sa COVID-19 nga nagapauli sa ila nga lugar.
Ini ang ginpahayag ni Lizares pamaagi sa ila nga facebook page kon sa diin matapos nga ang ial sini nga health worker nga ginkilala kay patient no. 30 ang nagpositio sa COVID-19.
Suno pa kay Lizares nga nagkulang ang ospital sa pagahatag sang nagakaigo nga impormasyon sa ila nga opisina matapos nga ginpapuli sang ospital ang nasambitan nga pasiente kag ginpaidalum sa home quarantine matapos sang ginabatyag sini nga paghilanat.
Ulihi na suno kay Lizares nahibaloan ang kahimtangan sang nasambitan nga pasiente matapos nga makabaton ang ila talatapan sang report nga nagpositibo ini sa COVID-19.
Bangod sini ginmandu sang alkalde nga iga-sealed off ang isa ka bahin sang Purok Lily, Barangay Zone 10 kon sa diin nagapuyo ang nasambitan nga pasiente agud istrikto nga i-monitor ang kahimtanagn sang pamilya sang pasiente.
“I will be writing a letter to all hospitals in Bacolod City requesting them to properly inform us of incidents of medical frontliners showing symptoms or being suspected of being Covid-19 positive. I am asking for proper coordination, communication and cooperation. These health workers are our own and we should protect them,” hambal ni Lizares.
Nagpanawagan man ang alkalde sa iya nga mga pumuluyo nga padayon nga magpatuman sang healtrh safety protocol agud malikawan ang halit nga dala sang makamamatay nga balatian.
