Yara sa sulod sang ila ginatiniran nga apartment ang mga biktima, sang hinali lang nga nag ibwal ang kalayo kag natusta nga buhi ang walo tanan ka mga kabataan kag isa ka iloy.
Gintingwaan pa kuntani sang amay nga nagikan sa namatyan, nga masalbar ang kabuhi sang iya pamilya apang wala na mahingagaw, bangud sang madasig nga paglapta sang kalayo.
Kalakip sa mga nabawian sang kabuhi sa trahedya amo ang anum ka kabataan sang babaye nga naga edad sang isa tubtub napulo ka tuig.
Nagkalamatay man ang duha ka mga hinablos sang babaye nga naga edad sang 11 kag 12 anyos.
Suno sa mga opisyal sa lugar, isa ka “wood burning stove” sa sulod sang apartment ang gintunaan sang sunog.
Nagluntad ang insidente sang tinalikdan nga martes sang gab-i sa isa ka apartment, sa siudad sang Bursa sa pungsod Turkey.
Nagatiner sa nasambit nga apartment ang mga Syrian refugees sang tinalikdan nga 2017.
