Duguon kag pilason ang isa ka 20 anyos nga lalaki samtang patay naman ang iya sini nga iloy sa San Carlos City, Pangasinan.
Suno sa lalaki nga ginsulod sila sang kawatan apang, lain ang naguwa sa imbestigasyon sang kapulisan.
Naga-edad sang 40 anyos ang iloy samtang ginkilala naman nga alyas boyet ang lalaki.
Suno sa isa pa ka anak sang biktima, nasapwan niya sa balay nga duguon ang iya iloy, kag ang iya magulang nga si Boyet.
Ginpahayag man sini nga nagsiling sa iya ang iya magulang nga ginsudlan sila sang tatlo ka lalaki nga naka-jacket.
Apang, sa imbestigasyon sang kapulisan, nagaguwa nga si Boyet mismo ang nagbuno kag nagpatay sa iya kaugalingon nga iloy kag pagpangawat ang motibo sa krimen.
Naguwa man sa pahayag sang mga testigo nga may yara sang “misunderstanding” ang mag-iloy.
Nahibaluan nga nangimon ang suspek sa iya nga utod.
Sa piyak sang pag-esplikar ni Boyet nga nagapaayo sa hospital, pagapasakaan siya sang kapulisan sang reklamo nga parricide bangud sa pagpatay sang iya iloy.
