Saturday, April 13, 2024

INDEX CRIME SA PILIPINAS, NAGNUBO SA 68% SUNO SA PNP

- Advertisement -

Gin-anunsiyo ni Philippine National Police chief General Guillermo Lorenzo Eleazar sadtong Sabado nga adlaw nga nagnubo ang index crime sa pungsod sa 68 porsyento sumugod sadtong Hulyo 2016.

“Itong 64 months na ito, mula noong July 2016 until October of 2021, ang barometer ng peace and order na index crime ay bumaba ng 68% — dati ang sinasabi ko 64% — compared doon sa 64 months noong mga nakaraang administrasyon,” pahayag ni Eleazar sa Laging Handa briefing.

Ginreport man ni Eleazar nga nagnubo sa 65 porsyento ang mga krimen batok sa tawo samtang nagnubo naman sa 70 porsyento ang mga krimen nga may kaangtanan sa ari-arian.

- Advertisement -

“Comparison-wise nag-i-improve tayo, pero siyempre itong mga kaganapang ito ay talagang hindi pa rin katanggap-tanggap,” pahayag ni Elezar.

Sa sulod sang lima ka tuig, yara sa 49 porsyento ang crime solution efficiency, ukon isa ka kaso ang nasolbar sa kada duwa ka krimen nga nagaluntad.

Mas mataas ini sa 26 porsyento sadtong nakaligad nga administrasyon, ukon isa ka kaso ang nasolbar sa kada apat nga krimen nga nagaluntad.

Dugang pa ni PNP chief, ginmandua na sini ang Anti-Kidnapping Group nga makig-angot sa lokal nga kapulisan kag sa Department of the Interior and Local Government agud ma-aksyonan ang kaso sang anum ka tawo nga ginkidnap sang wala pa nakilala nga lalaki sa Laurel, Batangas.

Ginsiling ni Eleazar, nga malapit nalang siya magretiro bilang PNP chief, kag isa sa mga nahimo niya amo ang pagpataas sang salig sang publiko sa kapulisan.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles