Ginahulat pa ang Emergency Used Authorization (EUA) sa Pilipinas para magamit ang Novavax coronavirus disease (COVID-19) vaccine apisar nga aprubado na ini sa Indonesia.
Ini suno kay Health Usec Maria Rosario Vergeire sang ginpamangkot ini kung nag-apply na sang EUA ang Novavax vaccine kag ang Mulnopiravir.
Ginsiling ni Vergeire nga ginahulat pa ang desisyon sang World Health Organization (WHO) angot sa aplikasyon nga malakip sa emergency use list sini ang Novavax.
Kung nakasumiter na sa FDA kag na-evaluate, posible pwede na ini magamit kung may yara na ini sang EUA sa pungsod.
Pag-abot naman sa Mulnopiravir, nga isa ka bulong nga Compassionate Special Permit sa giyapon ang ginagamit kag wala pa sang EUA.
Dugang pa ni Vergeire nga may yara na sang ginahimo nga trial sa Lung Center kag Quirino Memorial Center sang Mulnopiravir.
“So yun pong special compassionate permit, compare sa EUA… ang accountable dito ay mga ospital o dcctor na nag-aaply sa Food and Drug Administration to be used for their patient” pahayag ni Vergeire.
