Gintay-ug sang 7.6 magnitude nga linog ang bahin sang kadagatan sang Indonesia kag East Timor kaina sang aga sini nga Martes, Enero 10, 2023.
Narekord ang epicenter sang linog sa kalayuon nga 427 kilometros sa nabagatnan nga bahin sang Indonesian island nga Ambon kag may kadalumon nga 95 kilometros.
Sandig sa report sang Meteorology, Climatology, and Geophysical Agency sang nasambit nga pungsod, narekord pa ang 5.5 magnitude nga aftershocks.
Wala naman sang mga casualty kag mga naguba nga propriedad sa nagluntad nga linog.
Nabatyagan man ang linog sa Darwin nga kabisera sang Northern Territory sang Australia.
Madumduman nga gintay-ug sang 5.6 magnitude nga linog ang Java sadtong Nobyembre 21 sang nagligad nga tuig kun diin yara sa 600 ka indibidwal ang nagkalamatay.*
