Sibuyas nga ginbakal sang Department of Agriculture sa mataas nga presyo, gin-kwestyon sang Ombudsman

Ginhingyo na sang Ombudsman ang paathag sang Department of Agriculture okon DA kag Food Terminal Inc. ukon FTI, angut sa pagbakal sang sibuyas sa presyo nga P537 per kilo.

Base sa alegasyon, ginbakal sang Agriculture Department ang sibuyas sa Modena Multi –Purpose Cooperative.

Suno kay Ombudsman Samuel Martires, luyag niya mahibaluan kon diin nagkuha sang P140 milyones ang DA nga gingamit sa pagbakal sang sibuyas sa kooperatiba.

Ang FTI amo ang ahensya nga gingamit sa pagbakal sang sibuyas nga ginbaligya naman sang DA sa Kadiwa stores, sa presyo nga P170 kada kilo.

Mangin kabahin sa imbestigasyon sang Ombudsman ang ginahingyo nga eksplinasyon sang Department of Agriculture.*