Gintinguhaan pa nga masalbar ang 48 anyos nga lalaki matapos aksidente nga nahulog sa bubon kahapon nga adlaw, las 3:30 sang hapon sa Purok Active, Brgy. Mandalagan, Bacolod City.
Ang biktima ang ginkilala kay Felizardo Constancio y Pausal, may asawa kag residente sang nasambit nga lugar.
Sa inisyal nga imbestigasyon, ang biktima ang aksidente nga nahulog sa deep well ukon bubon nga ginabulubanta nagadalom sang 30 ka tapak.
Ang biktima ang gilayon nga ginsalbar sang mga “bystanders” apang ini ang gindeklarar nga wala na sang kabuhi bangod sa suffocation.
Nagapadayon naman ang imbestigasyon sang mga kapulisan agud ma-identify kong may natabo gid man nga foul play ukon wala.