Nakaangkon sang pilas sa likod ang 29 anyos nga lalaki matapos ginbuno kaina sang kaagahon, las 12:35 sa National Highway, Purok Daisy, Brgy. Talagacay, Hinoba-an.
Ang biktima ang ginkilala kay Marcelo Auria y Bendijo, may asawa kag Brgy. Damutan, Hinoba-an.
Samtang, ang suspetsado ang ginkilala kay Ronelo Esguerra, 20 anyos kag residente sang Brgy. Damutan, Hinoba-an.
Sa inisyal nga imbestigasyon, ang biktima ang nag inom-inom upod ang suspetsado sa iya mismo nga puluy-an sang hinali nalang sila naglalisanay bangod man sa impluwensiya sang makahulugbon nga ilimnon.
Hinali nalang ginbuno sang suspetsado ang biktima gamit ang bolo.
Gindala pa ang biktima sa Eleuterio Decena Memorial Hospital para sa nagakaigo nga pagbulong apang gilayon ini nga gin-referred sa Bacolod City.
Ang suspetsado ang gin-aresto kag yara sa kustodiya sang Hinoba-an Police Station para sa proper disposition.
