Patay ang isa ka lalaki matapos gintiro sang wala pa makilal-an nga suspetsado sa Sitio Tigmaya, brgy. Gatoslao, Candoni takna las 11:47 sang gab-e sadtong Agosto 14.
Ginkilala ang biktima kay Jemuel Prasio y Villar Sr., 64 anyos kag residente sang Brgy. Manlukahok, Sipalay City.
Base sa inisyal nga imbestigasyon, nagapungko ang biktima sa kilid sang dalan kag ginapatihan lulong sa makahulugbon nga ilimnon sang ini ang gintiro sa likod nga porsyon sang iya lawas rason sang iya hinali nga kamatayon.
Gilayon naman nga nagpalagyo ang suspetsado sa wala mahibaluan nga direksiyon.
Ang bangkay sang biktima ang gindala sa Candoni Health Center para sa postmortem examintation.
Padayon naman ang imbestigasyon sang Candoni Municipal Police Station sa identity sang suspetsado.