MAYNILA – Napaminsaran nga i-barter sang isa ka amay sa Naga City ang mga ginasagod nga manok kabaylo sang cellphone nga gamiton sang mga bata sini sa online class.
Ini bangod sa nagapalapit na nga klase kung sa diin, blended learning mode ang gamiton bangod ginadilian pa ang mga physical classes samtang padayon ang paglapta sang COVID-19 kag wala pa sang bakuna.
Pagbaligya kag pagsagod sang mga kuneho ang obra sa karon sang 46 anyos nga si Rommel Enriquez samtang tindera sang prutas ang iya misis.
Apang, aminado siya nga sa karon nga pandemya, mabudlay para sa ila nga mag-asawa ang galastuhon kag ang sistema sang online education.
Palayag ni tatay Enriquez:
“‘Yung tungkol po sa modular, medyo mahihirapan sila maka catch-up dun kasi ang asawa ko po nagtitinda. Walang maga-assist sa kanila.”
Apang, agud nga maka cellphone ang iya sini mga bata, napinsaran niya nga ibarter ang tatlo niya sini ka manok.
Iya ini ginpost sa online barter community sa social media, nga nangin sikat sa karon sa nagkalain-lain nga lugar sa Pilipinas.
