Isa patay, isa pilason matapos magsalpukanay ang motorsiklo kag tricycle sa Binalbagan

Ginbawian sang kabuhi ang isa ka persona samtang pilason naman ang isa pa matapos magsalpukanay ang motorsiklo kag tricycle sa Brgy. Enclaro, banwa ang Binalbagan, Negros Occidental, takna las 6:20 sang gab-i subong nga Domingo, Mayo 21.

Suno kay P/Staff Master Sgt. Aldrin Alindao, bangud sa mabaskog nga impact, nakaagum sang madamo nga pilas sa lawas ang duha ka drayber rason nga ginhingagaw ang mga ini dala sa ospital agud mahatagan sang medikal nga atensyon.

Apang gindeklarar nga dead on arrival ang drayber sang motorsiklo samtang kinahanglan naman magpaidalom sa CT scan ang drayber sang tricycle.*