Isa na ka milyonaryo nga chief-executive-officer sang kaugalingon mismo nga kompanya si Julius Ladigohon nga anay janitor sa Our Mother of Perpetual Help sa Baclaran.
Nagahandum sadto si Ladigohon nga mangin maasenso sa kaupod ang pamilya sa pagpangabuhi.
Si Ladigohon ang nagdako sa kapigaduhon kag nagabulig sa pamilya pinaagi sa pagkuha sang mga kahoy agud pagahimuon uling.
Handum sadto ni Ladigohon nga mangin isa ka pari.
Dugang pa, gina-ubra man ni Ladigohon ang mga proyekto sang iya mga classmates kag ginabayran sang P2 tubtob P5.
Bangud sa kapigaduhon, halin Pangasinan, nagkadto sa Maynila si Ladigohon para maka-ubra kag makapadayon eskwela sa kolehiyo.
Sa pag-abot ni Ladigohon sa Maynila, nakilala niya ang anay kura paroko nga si Fr. Thom Hodgins.
Sang nakilala ni Ladigohon si Fr. Hodgins, gilayon nag-offer ang pari sa estudyante nga mangin isa ka working student.
Nagabaton sadto si Ladigohon sang P3,000 kada bulan kun sa diin ginapadala niya sa iya ginikanan ang katunga sang iya sweldo.
Makaligad ang duha ka tuig, ginkuha si Ladigohon bilang iskolar sang simbahan apang nagapadayon ini bilang working student.
Matapos sang lima ka tuig, nakatapos si Ladigohon sa kurso nga Bachelor of Science in Customs and Administration.
Humalin sa janitor, nangin clerk ini sang isa ka logistics company kag nagka-pamilya.
Dugang pa, na-promote siya gilayon bilang bise presidente sang nasambit nga kompanya.
Apang nagpanghimakas pa gid si Ladigohon kag nangin CEO sang iya mismo kaugalingon nga kompanya.
Sa subong, si Ladigohon ang may yara sang duha ka balay, condo unit, duha ka farms kag salakyan.
Plano ni Ladigohon nga magpatindog sang scholarship program para sa lunsay mga pigado.*
