Jeep VS Motorsiklo: Motorsiklo wasak matapos mabunggo sa nagliko nga jeep

BACOLOD CITY– Isa ka vehicular accident ang nagluntad sa tunga sang isa ka jeep kag motorsiklo sini lamang nga gab-i, Marso 25 sa dalan Alijis sa siudad sang Bacolod, Negros Occidental.

Ginkilala ang mag-utod nga biktima nga sanday Kleth kag Kenneth Naban apang wala naman nahibalu-an ang pangalan sang driver sang jeep bangud nakapalagyo ini.

Wala sang pilas nga naangkon Si Kenneth apang ginsakay naman sa ambulansya ang driver nga si Kleth.

Suno kay Kenneth, samtang nagabiyahe sila papauli sa Barangay Taloc sa siudad sang Bago sakay sa motorsiklo, gilayon na lamang nagliko ang jeep rason nga nawasak ang motorsiklo bangud sa impact.

Pagadal-on naman si Kleth sang ambulansya sa wala pa matumod nga ospital.*