Naglawig sang 50 ka minutos ang negosasyon kag pagkumbinse sang mga utoridad sa isa ka lalaki nga nagsaka sa tower sang Prince Hypermart sa Barangay Zone 4, syudad sang Talisay, Negros Occidental, takna las 11:19 sang gab-i, Biyernes, Marso 24, 2023.
Nagresponde ang Bureau of Fire Protection Special Rescue Force-Negros Occidental sa area kung sa diin ila nakit-an ang lalaki nga nagapungko sa ibabaw sang tore.
Ginpatigayon ang negosasyon sang katapo sang Talisay Police Station samtang ang SRF personnel kaupod ang iloy, school adviser kag anay kahagugma sang lalaki ang nagatinguha nga kumbinsihon ini nga manaog na.
Tigayon naman nga nakumbinse ang lalaki nga maghinay-hinay panaug sa tore kag ginhingagaw butong sang SRF personnel kag gindala sa safe zone area para sa debriefing.
Yara man sa area ang Talisay City Disaster Risk Reduction Management agud maghatag sang assistance.
Ginturn-over ang lalaki sa Talisay Police Station.*
