Gin-anunsyo sang Philippine Olympic Committee ang pag-appoint kay Cavite Governor Jonvic Remulla bilang chef de mission sang Team Philippines sa 2024 Paris Olympics.
Ginkumpirmar ni POC President Representative Abraham “Bambol” Tolentino ang pag-appoint man sanday Wrestling Association Chief Alvin Aguilar sa World Combat Games.
Apang ginkilala naman si Rugby Federation Head Ada Milby bilang chef de mission sa 2024 Winter Olympic Youth Games.
Pagahiwaton ang Paris Olympics sa Hulyo 26 tubtob Agosto 11 apang sa Enero 19 tubtob Pebrero 1 naman pagahiwaton ang Winter Olympic Youth Games sa Gangwon Province, South Korea.
Ang duha ka events ang lunsay pagahiwaton sa masunod nga tuig.
Matabo naman ang World Combat Games sa Oktubre 21 tubtob 30 sini nga tuig sa Riyadh, Kingdom sang Saudi Arabia.
Ginbuslan ni Remulla si Samahang Basketbol ng Pilipinas President Al Panlilio bangud sa hectic nga schedule sang SBP President.*
