Mas manubo karon ang mga botante nga nagparehistro sa Bacolod kun ipaanggid sa mga nakaligad nga tuig, suno sa Commission on Elections -Bacolod.
Ginpahayag ni Election Officer 4 Atty. Kathrina Triño-Caña, nga bangud sang pandemic, nangin limitado lamang ang ila nga pagbaton sang mga magaparehistro sa ciudad.
Base sa ila nga datus, yara na sa 287,383 ang number of registered voters nga ila narekord as of December 30, 2020.
Humalin naman sang Enero tubtob Marso 25, may yara sang 6,627 ka mga applicants ang nag-apply apang indi agud magparehistro kundi sa iban naman nga mga transaksiyon kaangay na lamang sa pagpa-correct sang sala nga spelling sang pangalan kag iban pa, kon sa diin kinahanglanon naman sang approval sang COMELC.
Gina-engganyo naman sang COMELEC ang mga may tuyo nga mag-apply, nga mahimo na lamang magbisita sa irehistro.comelec.gov.ph sa internet kag i-print sa long size bond paper ang application form agud nga mahapos na lamang ang pag-proseso pagpadulong nila sa talatapan sang COMELEC kag mapadali naman ang tion sang ila nga pagtinir diri.
May yara man sang online appointment ang ahensya para sa madasig nga pagproseso sang mga aplikasyon.*
Photo courtesy of Debbie Does
