Philippine College of Physicians Maga Padala sang Additional Nga Manpower sa Bacolod

Magapadala sang dugang nga manpower ang Philippine College of Physicians sa ciudad sang Bacolod agud maka bulig sa mga temporary treatment medical Facility (TTMF) kag mga isolation facility sa ciudad sang Bacolod, suno kay Dr. Chris Sorongon sang Emergency Operations Center Task Force.

Ginsiling man sini nga dako ang mabulig sang igapadala nga dugang nga personnel sang PCP agud ma atipan ang mga COVID-19 positive patients agud indi na mag progress ang may mga mild to moderate symptoms sa severe cases.

Liban diri, mahatagan man sang ligwa nga maka pahuway ang mga medical frontliners nga yara sa mga quarantine facilities kag amo ang naga atipan sang mga pasyente bangud sa naga saka nga kaso sa ciudad.*