Bag-ohanon pa lang sa iya obra si alyas “Nik” sa isa ka tapangko sa satellite market sang Barangay 34 sa syudad sang Bacolod, takna las 5:30 sini nga hapon, Agosto 19, 2021.
Suno sa nakakita nga si Ronald Francisco, naga-isahanon nga naga-galing sang karne si Nik sang gulpyada lang ini nagsinggit sang “agoy-agoy.”
Ginpatay ni Francisco ang grinder kag ginbuligan si Nik, nga ang nawala nga kamot ang nagsuok sa nasambit nga equipment. Katunga gid sang iya palad ang nagsulod sa grinder.
Apang wala gid nakakas ang kamot ni Nik sa grinder sang ini ang gindala sa ospital.
Bag-o pa lang sa iya trabaho si Nik, nga ginabulubanta isa pa lang ka bulan kag tunga.
Suno sa mga nagabaligya sang karne, posible nga ginduot ni Nik ang karne gamit ang iya nga kamot, rason nga pati ini ang nalamon sang makina.*
