Gin-athag sang kampo ni Vice President Leni Robredo ang matuod nga rason sa likod sang iya nga resignation sa gabinete ni Presidente Rodrigo Duterte bilang Housing chief sang 2016 liw-as sa nangin pahayag sang administrasyon nga ang paghalin sini ang iya luyag agud nga pamunuan ang oposisyon.
“Ayoko na sanang patulan pero sobrang sinungaling eh,” suno sa tweet sang spokesman ni Robredo nga si Barry Gutierrez.”‘Pinili’ daw ni VP Leni na umalis sa Gabinete para maging lider ng oposisyon. Hay naku, magsisinungaling na lang andali pang hulihin. Resibo,” pahayag sini.
Nahibaluan nga base sa pahayag ni Presidential Spokesman Harry Roque, nalipatan ni Robredo nga ginhatagan siya sang presidente sang pwesto sa gabinete apang ginpili sini nga mangin leader sang oposisyon.
Ginhimo ni Roque ang pahayag sang ginpamangkot ini sang iya reaction sa statement ni Robredo nga indi sini pagtratuhon si Duterte kaangay sang pagtrato sa iya sang administrasyon kun magbayluhanay ang mga ini sang posisyon sa masunod nga tuig.
Sa pahayag naman nahanungod sa iya nga resignation sadto nga tion ginsiling ni Robredo:”This is the last straw, because it makes it impossible for me to perform my duties. Hence, I am tendering my resignation from the Cabinet on Monday, December 5, 2016.”
Ginkumpirmar naman ni Cabinet Secretary Jun Evasco nga “irreconcilable differences” ang rason sang mensahe nga ginsend sini sa bise presidente santo man sa instruction ni Duterte. Apang gin-athag sini nga wala nga mando sang termination ni Robredo ang presidente.*
