Posible nga ma-disqualify ang isa ka kandidato nga nagdaug sa ginpatigayon nga Barangay kag Sangguniang Election sa banwa sang EB Magalona sadtong Oktubre 30, 2023 bangud sang gina-alegar pre-campaigning.
Nahibaluan nga ini ang kagawad sa Barangay Tabigue sa banwa sang EB Magalona, Negros Occidental.
Base sa nakuha nga impormasyon sang Radyo Bandera nga nakabaton ang Commission on Elections (Comelec) Negros Occidental sang reklamo batuk sa nasambit nga kandidato nga gina-alegar nagapanapik na ini sang iya campaign materials apisar nga wala pa nagsugod ang campaign period.
Madumduman nga nagsugod ang campaign period sadtong Oktubre 19 tubtob Oktubre 28.
Sa karon, ginsuspende ang iya proklamasyon samtang nagapadayon pa ang imbestigasyon angut sa nasambit nga reklamo.*
