Indi mapatihan ang natabo sa pagbun-ag sa kapid nga sanday Lydia Ann kag Timothy Ronald nga halin sa embryo nga frozan sang 30 ka tuig.
Ang 33-anyos nga babayi nga nag bun-ag ang tatlo pa lamang ka tuig sang mabuo ang embryo sadtong 1992.
Ginbun-ag ni Rachel Ridgeway ang kapid pinaagi sa In vitro fertilization (IVF).
Nabuo ang embryo sadtong Abril 1992 kag gin-preserba sa National Embryo Donation Center sa Amerika.
Ang mag-asawa nga sanday Philip kag Rachel ang nagkuha sang embryo sa center kag ginbutang sa tagu-angkan ni Rachel pinaagi sa IVF.
Sadtong Oktubre 2022, ginbun-ag na ang kapid kag ginpasidunggan bilang “longest frozen embryos to result in a live birth.”
Suno naman sa mga eksperto, delikado ang cells sa frozen embryo kag indi kaya masalbar tubtob mabun-ag.
Dako man ang posibilidad nga maka-angkon sang genetic abnormality ang kapid.*