STA. CATALINA, NEGROS ORIENTAL– Mga sakop sang civil society organization, mga pumuluyo kag mga opisyales sa mga apektado nga mga barangay lakip na ang local government unit sa Sta. Catalina sa pagpangulo ni Mayor Peve Obaniana- Ligan ang nagprotesta batok sa dako nga kompanya sa minahan sa Sitio Tarug, Brgy. San Francisco, Sta.Catalina, Negros Oriental sini nga adlaw, Miyerkules, Abril 12, 2023.
Nagpatigayon ang grupo sang rally sa San Francisco Basketball Court kag nagapanawagan nga untaton ang mining exploration sa Midan Corporation.
Suno kay Sta. Catalina Mayor Peve Obaniana-Ligan, wala sang mayor’s permit ang nsambit nga mining corporation apang may yara sila sang Mines and Geosciences Bureau.
Gindumili-an ni Mayor Ligan ang mining exploration sa lugar bangud isa ini ka tourism area.
Nagpasa man sang resolusyon ang mga apektado nga mga barangay nga nagadumili sa mining sa lugar.
Luyag sang kompanya nga makakuha sang mga bulawan site.*
