Kapin 100 ka mga bata sa San Carlos, nakabaton school supplies gikan sa Badyo Bandera, SORABS kag mga benefactors

Nakabaton ang kapin 100 ka mga bata sang school supplies sa ginpatigayon nga “Gift Giving” sa Brgy. Buluangan Covered Court sa siudad sang San Carlos, Domingo, Agosto 27, 2023.

Nalakip sa mga bata nga nakabaton sang school supplies amo ang Daycare, Kinder, kag Grade 1 tubtob Grade 6 students.

Magluwas sa school supplies, nagpatigayon naman ang SORABS sang ‘feeding’ sa mga kabataan.

Gintambungan ini sang Station Manager sang Radyo Bandera San Carlos, 605th Manuever Company, Brgy. Buluangan Kagawad Bebe Empuerto, SORABS President Anabelle Atilano, kag SORABS leaders sang nagkalain-lain nga barangay sa siudad sang San Carlos.

Ang nasambit nga school supplies amo ang halin sa Radyo Bandera Sweet FM, SORABS, kag iban pa nga mga benefactors.*