Lovi Poe ginkasal na sa iya fiancé nga si Monty Blencowe

Ginkasal na ang aktres nga si Lovi Poe sa iya British film producer fiancé nga si Monty Blencowe sa Cliveden House, England sang Sabado, Agosto 26, 2023.

Ginpakigbahin ni Tim Yap sa Instagram ang video ni Lovi nga nagalakat sa aisle samtang suksok ang high-neck, backless wedding gown.

Makita man sa nasambit nga video nga nangin emosyonal si Monty samtang ginahulat ang iya bride sa altar.

Mas nangin espesyal pa gid ang kasal bangud sa ila background music nga instrumental version sang ‘Pangarap Ko Ang Ibigin Ka’ ni Regine Velasquez.

Magluwas kay Tim, nagtambong man sa kasal sang aktres sanday Rhian Ramos, Bela Padilla, Victoria Belo, kag Hayden Kho.

Best wishes to the newlyweds!