Asawa nga may TB kag depression gin-utas ang kaugalingon nga kabuhi

Gin-utas sang isa ka 29-anyos nga asawa ang iya kaugalingon nga kabuhi sa isa ka barangay sa banwa sang Ilog, Negros Occidental, takna la-1:30 sang hapon, Huwebes, Agosto 24, 2023.

Hungod nga wala ginhingadlan sang Radyo Bandera Bacolod ang biktima bangud ini isa ka sensitibo nga balita.

Nakit-an sang iya amay nga nagakabit na sa balayan sang ila balay ang iya anak nga may nakahigot nga kalat sa liog sini.

Suno sa impormasyon, may yara sang depression kag tuberculosis ang biktima, nga bag-o lang nakagwa sa ospital.

Gindala pa ang biktima sa Lorenzo D. Zayco District Hospital apang ini ang gindeklarar nga dead on arrival sang attending physician.*