P200K nga balor sang gina-alegar ‘smuggled cigarettes’ nakumpiskar sa 2 ka mga lalaki

SAN CARLOS CITY, NEGROS OCCIDENTAL– Nakuha sa duha ka mga lalaki nga sakay sang white adventure ang P200,000 nga balor sang gina-alegar “smuggled cigarettes” sa ginpatigayon nga checkpoint sa CL Ledesma Avenue, Barangay 1, San Carlos City, Negros Occidental las-11:20 kagab-i, Agosto 23, 2023.

Ginkilala ang mga lalaki nga sanday Omair Dirindigun, 25-anyos, may asawa kag Sacaroding Sarip, 21-anyos, lunsay mga vendors kag residente sang Hope Street, Barangay 5, sa kapareho nga siudad.

Base sa spot report sang kapulisan, wala nakapakita ang duha sang official receipt kag certificate of registration matapos nakita ang 390 ka mga reams sang sigarilyo sa ginpatigayon nga checkpoint.

Nakahunong sa karon ang duha sa San Carlos City Police Station.*