- Advertisement -
Pormal na nga napasakaan sang kaso ang 21-anyos nga suspek nga naglabo sa duha ka mag-utod nga babaye sa Sitio Sapwa, Brgy. Biak na Bato, banwa sang La Castellana.
Sa interview sang Radyo Bandera kay PSSGT Jun Pol Baltazar , imbestigador sang La Castellana PNP, kaso nga frustrated murder ang ginpasaka batok sa suspek.
Madumduman nga daan nga hiligut-anon ang rason nga ginlabo ni Warren Calago ang mga biktima nga amo sanday Wilma Dela Torre kag Myrna Dela Torre matapos nga naghampang sang baraha sadtong Hulyo 16.
- Advertisement -
Sa karon, nagapabilin sa kustodiya sang La Castellana PNP ang suspek samtang padayon naman nga ginabulong sa ospital sa Bacolod ang mga biktima.*
- Advertisement -
