PASAY CITY– Ginbasura sang Pasay City Regional Trial Court ang kaso nga cyberlibel batok sa duha ka mga broadcasters nga sanday Noel Alamar kag Darcy De Galicia kag tatlo pa ka mga persona.
Ginpasakaan sang kaso ang duha sadtong Hulyo 17, 2022 sang mag-asawa nga sanday Quezon Governor Angelina Tan kag Department of Public Works and Highways Regional Director Ronnel Tan bangud naglapas ang duha ka broadcasters sa Republic Act 10175 ukon Cybercrime Prevention Act.
Nakabaton man sang kaso nga cyberlibel sanday anay Quezon councilor Arkie Yulde, Atty. Fred Villamor kag Jestin Aquino.
Sa ginpapanaug nga desisyon ni Judge Gina Bibat-Palamos sang Pasay City Regional Trial Court 111 sadtong Pebrero 22, 2023, wala sang mabakod nga basehan ukon ebidensya ang kaso nga cyberlibel nga ginpasaka sa lima.
Nagsugod ang pagpasaka sang kaso sa lima matapos nagbalita sanday Alamar kag De Galicia nga gin-interview sanday Yulde, Villamor kag Aquino sadtong Nobyembre 2021 tubtob Mayo 2022 sa tiempo sang eleksyon.*
