Magapatigayon sang regular wedding ang Bacolod LGU sa 28 ka magkahagugma sa Lobby sang Bacolod City Government Center (BCGC) takna las 2 karon sang hapon, Biyernes, Marso 3.
Suno sa Bacolod City Public Information Office (BCD PIO), 29 kuntani ka magkahagugma ang mangin kabahin sang “You and Me with Mayor Albee Benitez” Mass Wedding apang ang isa ka couple ang nagkansela bangud nagdesisyon ini nga magpasakop na lang sa mass wedding.
Ang 28 ka magkahagugma ang una nagpakasal sa rason nga naka book na sang ticket ang ila mga himata nga gikan sa iban nga pungsod para magpauli sa Bacolod kag indi na makansela ang ila nga ticket.
Sa datus sang BCD PIO, may yara na karon sang 2,053 ka magkahagugma ang nagpalista sa pagatigayunon nga mass wedding ni Mayor Albee Benitez kag 2,023 ang pagakaslon sang Alkalde kag ang nabilin ang i-reserve kun may mag backout ukon may problema sa mga dokumento.*
