Sa pinakaulihi nga cholera surveillance report sang Provincial Health Office (PHO), nagdangat na sa 67 ang kumpirmado nga mga kaso sang nasambit nga balatian sa Negros Occidental.
Nagapanguna nga may pinakamadamo nga kaso ang syudad sang Talisay nga naglab-ot sa 23 kag ginsundan sang syudad sang Silay nga may 21 ka kaso.
Nagapangatlo naman ang banwa sang EB Magalona nga may narekord nga 14 ka kumpirmado nga mga kaso.
Samtang ang mga syudad sang Victorias kag Cadiz ang may tig-3 ka kaso. May isa naman ka nagpositibo nga kaso sang Cholera sa Manapla kag duha sa Pulupandan.
Nagapanawagan naman ang PHO sa tagsa ka mga banwa kag siyudad sa pagpatuman sang compliance sang mga water refilling station.*
By: Kabanderang Randy Coronel