Kaso sang Covid sa mga eskwelahan nagpabilin nga manubo, apisar sa pagbalik sang mga estudyante

Ginkumpirmar sang Department of Health (DOH), nga wala nagsaka ang kaso sang COVID 19 sa mga buluthuan, humalin sang nagbalik ang klase, lima ka bulan na ang nakaligad.

Kahapon martes, ginpalayag ni DOH officer in charge Maria Rosario Vergeire, nga wala makabaton sang reports ang Health Department gikan sa mga buluthuan, angut sa pagsaka sang kaso sang COVID 19.

Apang ginklaro man sang opisyal nga may yara sang mga nagapositibo sa COVID kag ginatatap ini sa gilayon sa mga local health facilities.

Ginkalipay sang DOH nga madamu sang mga kabataan nga nagpaidalum sa vaccination, sa edad nga lima tubtub 17 anyos.*