Negros Occidental, may pinaka madamu nga kaso sang dengue sa bilog nga Western Visayas

93 na ka mga indibidwal ang nagpositibo sa Dengue fever sa Negros Occidental sa una pa lamang nga tatlo ka semana sang tuig 2023, base sa record sang Department of Health sa Western Visayas.

Base man sa record sang DOH, nabawian na sang kabuhi ang pito ka tuig nga bata sa Negros Occidental bangud sang dengue virus.

Ini ang pinaka-una nga fatality sa probinsya sang Negros Occidental bangud sang dengue fever.

Yari ang iban pa nga mga probinsya nga may madamu nga kaso sang dengue fever:

Aklan – 57 cases

Iloilo – 54 cases

Sa bilog nga Western Visayas, nagpositibo sa dengue fever ang 326 ka mga indibidwal, humalin sang Enero 1 tubtub Enero 21, sini nga tuig.*