Isa sa kada duha ka Filipino millenials ang wala gakahimo ang ila gusto kag “life’s purpose” bangud sa pinansyal nga limitasyon ukon kakulang sa kuwarta.
Base ini sa pagtuon nga “The Pursuit of Purpose: Discovering Filipino Millenials’ Views on Living a Life with Purpose” sang CIMB Bank, Millieu Insight, kag Ateneo de Manila University.
Suno sa pagtuon, kakulang sa kuwarta ang pinakadaku nga nagabalabag sa millenials sa paglagas sang ila “purpose”.
Nahibaluan man nga kalabanan sa millenials ang nagakabuhi “paycheck to paycheck” ukon gilayon nga nagakaubos ang suweldo sa mga balayran kag magadepende naman sa masunod nga suweldo.
Bangud sini, madamo sa millenials ang interesado nga magtukod sang negosyo agud madugangan ang income.
“The rising cost of living also contributed to Millenials feeling stressed and anxious due to financial limitations. A lack of financial education also contributes to this stress. It leads to poor decision-making, investment mistakes, and additional stress,” suno kay Juda Kanaprach, co-founder sang Millieu.
