Patay ang kilala nga Boholana rider, vlogger kag tiktoker sa probinsya sang Bohol matapos malumos.
Ang biktima ang kilala kag sikat bangod sa iya sini nga riding vlogs.
Siya ang ginkilala kay Jhezz Maria Naraga Gementiza.
Ang lady vlogger ang naga-obra bilang model sang ROCKSTAR Energy Drink (DE), Monster Energy, AutoZone Car Accessories, kag Gud Moto Tagbilaran.
Isa man siya ka accounting staff sa Honda PH, Inc. base sa iya nga profile.
Sang nagligad lang nga inadlaw, madamo sang nag post sa social media sang balita nga ini ang napatay matapos malumos samtang nagapaligo sa busay.
Si Gementiza ang nabalita nga nagkadto sa busay agud magpaligo apang wala niya sini natalupangdan ang mabaskog nga current sang tubig rason nga ini ang nalumos.
Nagpatigayon sang retrieval operation ang mga rescuers agud makita ang iya sini lawas.
Madamo naman sang mga netizens ang nakakuha sang mga video sa ginpatigayon nga operasyon.
Ang mga fans, fellow riders sang biktima ang nagabatyag sang tuman nga kasubo pati na ang pamilya sang biktima.
Yari ang video:
Samtang, madamo sang nanugunan kag natingala sa gilayon nga kamatayon ni Jhezz Maria Naraga Gementiza.
