BACOLOD CITY– Nangin madinalag-on sa larangan sang isports ang Labrador siblings nga ginalakipan nanday Marcus, Aluna, Alani kag Ava.
Nakuha ni Marcus ang gold medal sa pommel, vault kag parallel events samtang nakuha man niya ang bronze medal sa individual all-around kag ring events.
Wala naman nakatungtong sa podium si Aluna apang yara siya sa ika-12 nga pwesto sa individual all-around event, ika-7 nga pwesto sa floor exercise, ika-10 nga pwesto sa bars and beam kag ika-14 nga pwesto sa vault.
Sa pihak naman nga bahin, nagdaug sang gold medal si Alani sa poomsae kag wood breaking apang bronze medal naman ang iya nakuha sa kyorugi.
Silver medal naman ang nakuha ni Ava sa poomsae kag bronze medal sa wood breaking.
Naghampang sanday Marcus kag Aluna sa Thailand apang sanday Alani kag Ava naman sa United States.*
