Gin banatan ni Senator Panfilo Lacson si Department of Health Francisco Duque III, matapos nga magpahayag ini nga indi magpatigayon sang travel ban sa United Kingdom kung wala pa sang community transmission sang bag-o nga sahi sang COVID-19 virus sa nasambitan nga pungsod.
Suno kay Lacson nga daw kapareho lang nga ginabutang sa risgo ni Duque ang Pilipinas, wala man mapunggan sang Senador nga pamangkuton si Duque kung may kaakig bala ini sa pungsod.Sa Tweet ni Lacson, “Hayaan daw munang kumalat sa Pilipinas ang Covid 19 variant mula sa UK bago mag travel ban.
Galit ba sa Pilipino ang taong ito?” Madumduman nga gin kompermar man ni Duque nga isa sa 79 ka mga pasahero nga halin sa UK ang nagpositibo sa COVID-19 nga nag-abot sa Pilipinas sang gintalikdan nga adlaw.
Sa piyak nga bahin gin klaro ni Duque nga gin pahayag sini nga ang mga pungsod nga iya ginatumod amo ang mga pungsod nga may yara sang kaso sang bag-o nga variant sang nasambitan nga virus.
Magluwas kay Lacson ginpakamalaot man nanday Senator Kiko Pangilinan kag Franklin Drilon ang liderato ni Duque.Sa karon ginsuspendi na sang Pilipinas ang flights sa UK sumugod Desiembre 24 tubtob Desiembre 31, samtang ang iban nga pungsod ang nagkansela na sang biyahe nga magahalin sa UK kasubong sang Canada, Italy, Turkey, Switzerland kag Germany.
